Raden Puntadewa Pandawa Lima
Saminjawa, - Wayang ing gambar kuwi nggambarake Raden
Puntadewa (uga diarani Yudhistira), salah siji tokoh utama ing Pandhawa.
Raden Puntadewa nduweni wujud wayang sing
khas, awaké langsing lan tegak, nggambarake sipat luhur lan wibawa. Sirahé rada
ndhungkluk (ndhap), nuduhake andhap asor lan tansah ngati-ati. Raié alus, irung
lancip, lan mripat sipit, pratanda wong sing sabar lan wicaksana.
Rambuté digelung kanthi rapi nganggo
makutha sederhana nanging éndah, ora kakehan hiasan, amarga Puntadewa dikenal
ora seneng pamer. Sandhangané nganggo motif batik alus kanthi warna coklat
keemasan, nggambarake kaluhuran lan kesederhanaan.
Tangane dawa lan lentur, sikilé jejeg,
nggambarake tumindak sing lurus lan adil. Ing pinggangé ana keris utawa pusaka,
minangka pralambang tanggung jawab lan kawicaksanané minangka ratu.
Watak/sipat: jujur lan adil, sabar lan
wicaksana , andhap asor , taat marang dharma (kebenaran) .
Puntadewa iku raja ing Amarta sing
misuwur banget merga kejujurané, nganti diarani “Dewa Kebenaran”.
Bapake Raden Puntadewa Prabu Pandu (Raja Hastina), ibune Dewi Kunti.
Dene Sedulur (1) Raden Werkudara (Bima)
– watak tegas, gagah, jujur (2) Raden Arjuna (Janaka) – trampil, wicaksana,
utama ing panah, (3) Raden Nakula – rupawan, trampil ngopeni jaran, (4) Raden
Sadewa – pinter, teliti, ahli tata laku lan pitutur
Puntadewa dadi kakang tuwa lan dadi
panutan tumrap seduluré, tansah ngupaya rukun lan adil ing kulawarga lan
nagara. (trm/smj)
0 Komentar