GOROH dening : trimo legowo

 

goroh iku nganggep wong liya gak roh

dhandhang diunekake kuntul iku goroh

kuntul diunekake dhandhang uga goroh

mboyak, wong liya dianggep gak roh

mula gampang goroh

 

lamun atine seneng tumindak goroh

tandha yekti pancen manungsa drajad nestha

 

lamun ora seneng nanging uga ura susah

nalika tumindak goroh

ateges manungsa drajad lumrah

 

ingaran drajad utama

lamun timindak goroh

atine was sumelang

kaya ninggal bayi ing pinggir blumbang

 

njur saiki, takona marang batinmu

apa drajadmu

nestha ?

lumrah ?

apa utama ?

wangsulana dhewe

awas aja goroh

senajan wong liya gak eroh

 

(Antologi Geguritan : Gagak Mangan Kebo)