Mblora Siap Ndableg Lawan Virus Corona

"Neng endi - Endi, para Nayoko Projo mBlora podo pidato, "Ayo kita segera bersiap untuk New Normal, kita berdamai dengan virus Corona, karena belum ada obatnya, dan belum bisa dipastikan kapan bisa berakhir, tapi kita tetap harus memikirkan dampak ekonominya, kesehatan dan ekonomi saling berkaitan erat, kita sehat ekonomi berjalan, kita sakit, ekonomi ikut sakit, karena tidak bisa bekerja, jadi dua - duanya penting," ngono unine, angger ono rapat resmi Pemerintah.

Pak Bupati, Pak Ketua DPRD, Kepala Dinkes, Pak Sekda, Pak Kapolres, Pak Dandim, lan kabeh ae sampek Kades lan Lurah  pesene podo, siap - siap nyambut kondisi normal anyar. Terus jaman normal anyar iku sing kepiye? Warung - warung oleh bukak, Pasar lan Mal oleh bukak, padahal Yo memang gak pernah ditutup kok, mulai  Mblora jeh nol, wektu iku, mlebu rekor sak Jawa Tengah jek ijo royo-royo, bareng karo Brebes, nganti mbledos ndoge.

Bareng mbledos ndoge, ora nol neh, koyo disuntak, klaster seng nyebabno, ko Perumda, ko Kenthong, ko Pondok Temboro, Pasar Beras, Pasar Gabus, ko endi - endi ae, sampek ngeneki dokter, perawat, Satpol PP, soko hasil test cepat (rapid test), trus diisolasi neng hotel (perawat/dokter) lan neng Klinik Bhakti Padma, Klopoduwur, lan isolasi dewe - dewe neng omah, Alhamdulillahe...kok negatif ora kenek Corona kabeh, umpomo ono seng ninggal, mergo due penyakit suwe, utowo memang wes wayahe ngadep Gusti Sing Murbeng Dumadi, Allah SWT.

Terus, saiki Pemerintah ko Pusat sampek Daerah, kon "berdamai" karo Covid 19, istilah keren e virus Corona Iki, nganggo unen - unen "Normal Anyar", saiki rodok dilosno, seng maune neng endi - endi gak oleh bukak, gak oleh lelungan, kudu neng omah ae, sekolahe neng omah ae, gurune bapak ibuke dewe - dewe, gurune mung ngirim WA wae, kudu ngono kudu ngene.

Nanging sing perlu kene ngerti, wong Mblora termasuk matoh, termasuk nekad, lan ndableg nglawan Corona iki, contone pie, Pasar lan Mal tetep bukak, kecuali Pasar Pon, sekolah kon prei, kon sinau neng omah, nyatane malah do ngopi, neng warung - warung lan angkringan bengi, ra ono pedhote, karaoke tetep di bukak, iku wes pecah ndoge lho, wong Mblora gak peduli. Nyatane tetep ditekani langganane.

Sing rame, justru geger bantuane, angger usum dum-duman bantuan, mboh duik mboh beras sak kancane, mesti geger, Pemerintah geger, rakyate melu geger, demo rono demo rene, iku seng nyoto, seng neng medsos udur - udurane yo gak ono preine, mulai politik, ekonomi, sampek monopoli kabeh dibahas entek, kurang golek, urusan Covid wes ora penting, Mblora Loooss jarene, mungkin iku bener, Corona ora mempan kanggo wong Mblora, sing ndableg nglawan Corona, amarga ono virus seng luwih ganas, seng kudu dilawan tenanan, yoiku Virus Kalir EN, jare kancaku seng tau dadi wong matoh, Sekretaris Partai sing matoh neng Mblora, tak gawe istilah Kavid 20 wae yo. (Rome)